День памяти тихвинской иконы божией матери стихи

Тихвинская икона Богоматери

Предание о «Тихвинской» гласит:
До века пятого она была в Царьграде,
Затем Иерусалима путь достиг,
Где храм построен в честь Неё в ограде!

В Влахернском храме быть должно бы, но
Настали времена ужасные для веры:
Иконоборчеством столь «гнёзд» разорено.
Злодейство жуткое без совести и меры.

Но образ от вандалов был сокрыт
У Пантократора в обители надёжно!
Молился истово пред ликом светлым скит,
Никто не предал! И помыслить невозможно!

Как только смута улеглась в больных умах,
Её вернули во Влахернский торжествуя!
Но вскорости Царьград потерпит крах,
Исчез и образ. Много лет минует

Допрежь, чем вновь проявится Она!
Вот как о том доносит нам сказанье:
Близ Новогорода из света соткана
Плыла по воздуху, укрытая в сиянье!

Сначала рыбакам над Ладогой явилась,
В погостах Смолково, вблизи Оять-река,
Затем на Кожеле пред всеми объявилась,
И Тихвинки почтила берега!

По тем местам сейчас же храмы встали!
Забросив идолов, крестился лесной люд!
Чудес во множестве! Здоровье обретали!
Князья московские уже молились тут!

Она своим явленьем объявила
России избранность пред Небом и Христом!
И милость велика Её и сила,
И вера, осенённая Крестом!

Царь Иоанн Грозный монастырь устроил,
Чей колокольный звон к спасенью звал!
Двадцатый век безверия закроет.
И образ экспонатом в музей сдан.

Год сорок первый. Немцы взяли Тихвин.
Икона в Псков отправлена была.
Пред ней, казалось, даже брани тихли,
И козни рушились коварства, гнева, зла.

Два года службы перед Ней творились!
Весной сорок четвёртого в Германии Она.
Потом в Чикаго двери храма отворились,
За коими полвека пробыла.

О,Одигитрия! Храни до век Россию!
Будь ей защитою от зла и клеветы!
Порукой будь пред Судией-мессией!
Покрой главу сияньем чистоты!

Источник

Предание о Тихвинской иконе Божией Матери

ПРЕДАНИЕ
О ТИХВИНСКОЙ ИКОНЕ
БОЖИЕЙ МАТЕРИ

Объяви всем находящимся
в обители, да возьмут икону Мою
и обойдут по стенам вокруг,
и узрят милость Божию.
«Жития Святых»

* * *
Святой Лука,
евангелист,
Идей Христовых проповедник,
Седобород, высок, плечист,
Старался развязать передник,
Но непослушная тесьма
В немыслимый стянулась узел;
И он, измученный весьма,
Сел на скамью,
сутул и грузен,
И на треножник кинул взгляд,
Где Божьей Матери икона
Уже немало дней подряд
Стояла так незавершённо.
Всё небывалым мастерством
В ней и светилось и дышало –
Задумчивых бровей излом,
Живые складки покрывала,
Соединённые круги
Над Ней и Сыном, знак союза,
И чуть приподнятой руки
Благословенье Иисуса.
Но тайно чувствовал Лука –
Пока трудов не довершали
Какие-то два-три мазка,
Какие-то две-три детали.
И он, передника не сняв
(Тесёмка там спаялась, мнится),
Спешит под сень церковных глав
На день грядущий помолиться.

* * *
У золотого алтаря
Он ночь в молениях проводит,
И вот уж ясная заря
Над вечным городом восходит.
Горят узоры царских врат
В своём небесном изобильи,
И чистым золотом горят
Резные ангельские крылья.
– О, Матерь Божья!
Будь щедра,
Всё встало без твоей заботы,
Дай силы свежей мне с утра
Для завершения работы.
Удачи дай наверняка
Не имя мне свое прославить,
А грешным людям на века
Твой образ праведный оставить.
Догадкой мудрой осени,
Чтоб тайна цвета мне открылась,
Чтоб все оставшиеся дни
Твоя мне вспоминалась милость. –
И только с просьбою такой
Он к Ней вознёсся благодарно,
Как свет заметил голубой
На чистом золоте алтарном.
И выше он поднял глаза,
И там узоры изменились –
В них отразились небеса,
Бессмертья краски отразились.
И он – к треножнику,
и нет –
Сомнения,
и устремлённо –
Он голубой наводит свет
На золотой узор иконы.
Там блик голубизны в глазах,
Там синий уголок подклада,
А там, погуще, синь в тенях,
И всё, как в жизни, всё, как надо! –
И на колени он упал,
Заплакал вдруг и засмеялся,
И узелок послушным стал,
Легко и просто развязался.

* * *
В те годы мудрый Теофил
Страной антиохийской правил,
Средь христиан он первым был,
Кто с Сыном Божью Матерь славил.
И чтобы в вере не остыть
И дух старанием утроить,
Решил он подвиг совершить –
В стране безбожной храм построить.
И потому Лука спешил
Посланье написать собрату:
«Достопочтенный Феофил!
Вчерашнюю восславим дату.
Я высшей волей написал
Икону Матери Господней.
И с радостью до солнца встал,
И у иконы день сегодня
Провёл.
Ах, Боже, свет какой!
Какие благостные лики!
Но слышу голос над собой:
– Забудь успех, творец великий.
Тому, кто первым из царей
Воспринял таинство крещенья
И душу, и мечты согрей
Сердечным жаром подношенья.
Пускай икона будет в нём,
Писание, Деяний свиток.
В стремлении царя большом
Всё это будет не избыток.
Основой храма станут пусть
Твои дары. Мир Божий тесен.
И Я начну в том храме путь,
И, право, будет он чудесен. –
И вот, о, славный Феофил!
Я шлю труды евангелиста
И веры свет,
что легче крыл
Возносит в праведный и чистый
Небесный храм. »

* * *
И жизнь прошла
Раба Господня Феофила.
И вправду словно два крыла
Икона наша возрастила.
С антиохийских берегов
В святыню Иерусалима
Она перенеслась –
таков
Ей выпал путь неизъяснимо.
И самарянин, и еврей,
И странник из персидской дали
Молились жарко перед ней
И исцеленье получали.
Но вновь сменились времена,
И вновь у ней пути крутые.
В Константинополе она,
В столице древней Византии.
И для неё особый храм
Владыка выстроил – Влахернский,
И пять веков икона там,
И оборвался путь вселенский.
Но нет, но нет! –
Её покой
Лишь на короткий миг приснился.
Идут язычники толпой,
Зоритель храмов объявился.
Святые ценности –
в костёр:
Иконы, утварь и одежды.
Какой в Империи разор!
И на спасенье нет надежды!
И падает за храмом храм,
И вот уж очередь
Влахерны.
Но нет иконы главной там! –
И в страшном ужасе неверный.
А Божья Матерь, между тем,
С притихшим на руках Младенцем –
В келейном тайнике меж стен,
Обёрнутая полотенцем.
А за столом –
старик седой
Читает; тихо голос льётся.
К обители пустынной той
Враг и за жизнь не доберётся.

* * *
Когда иконоборцев прах
Один лишь в памяти остался,
Раз византийский патриарх
С купцами русскими встречался.
– Скажите, молодцы!
У вас
Не объявлялась ли икона?
Там Богородица и Спас
Небесно-золотого тона.
Её в лихие времена
Мы непредвиденно теряли,
Но объявлялась вновь она,
Полна смиренья и печали.
И снова во Влахерне нет
Любимицы.
Уж не у вас ли
Царицы объявился след? –
Купцы, смутясь, лицом погасли:
– Прости, владыка!
Не видать
И не слыхать про эти были.
Хотя всё может быть, как знать,
Ведь мы когда в Руси-то были. –
И патриарх поник:
– О, да.
Вот так всегда перед бедою. –
Он оказался прав тогда.
Царьград разрушен был волною
Неисчислимых янычар.
И чувствовал владыка это.
– Не избежать нам Божьих кар,
Сживут, сживут грехи со света.

* * *
А в это время на Руси
Теплынь июльская стояла,
Над Ладогой утрами синь
В рассветном золоте сияла.
И чуть береговой туман
По тёплым заводям клубился,
Как будто бы огромный жбан
Парного молока разлился.
И вдруг над лоном чистых вод
Приметил местный люд сиянье,
Как будто золотистый плот
В неспешном двигался качаньи.
Вплотную к мысу подплывал,
И пела тишина стозвонно,
И сельский плотник увидал,
Что нет,
не плот там,
а икона.
На ней сияли Божья Мать
И на руках Её – Младенец.
Сквозь свет непросто увидать,
Но видел это поселенец.
Потом икона отплыла
Опять к мыску, сближая дали.
Напротив, где она была,
Там через годы церкви встали.
А возле Тихвина,
где штиль
И где совсем остановилась,
Там вскоре вырос монастырь,
И чудный храм Успенья вырос.
И занесли икону в храм,
На лучшем укрепили месте,
И с этих пор икона там,
И только об иконе вести
Летят по всем людским местам,
Как с Иорадана голубица,
И говорят,
что Грозный сам
Пред нею приезжал молиться.

* * *
Но жизнь и в северной стране,
Святым Владимиром крещённой, –
На недовольствах, на огне
И на людской слезе солёной.
Лишь поокреп маленько храм
И всё пошло, как подобало,
Как это недругам-врагам
Не по нутру ужасно стало.
Давай священника чернить,
Что он к деньгам и зелью жадный,
Не рвёт, мол, с ветхой жизнью нить,
Во всех делах зело нескладный.
И уж заметили не раз,
Как кто-то чёрный к церкви крался
С горящей паклей в поздний час,
Да упасли –
храм цел остался.
Но как-то (кто подумать мог!),
В ночь мглы кромешной и ненастья,
Тот чёрный всё же храм поджёг,
И к тихвинцам пришло несчастье.
К утру сгорело всё до тла.
Чернели угли отрешённо,
И лишь нетронутой была
Среди пожарища –
икона.
Огонь был яростен и жгуч,
Но даже краска не отстала, –
И только брызнул солнца луч,
Она, как прежде, засияла.
И тихвинский кузнец Пахом
Так горе выразил словами:
– Тебе мы новый срубим дом,
Лишь только будь,
Царица,
с нами.
Пять раз сгорал в том месте храм,
Пять раз Христа помочь просили,
И снова главы к небесам
Кресты святые возносили.
Всем миром расчищали гарь,
Всем миром лес в бору валили,
И миром всем, как было встарь,
Сруб, помолившись, возводили.
Когда ж в последний раз забрал
Господь святыню в назиданье,
Построить князь Василий дал
Из камня церковь указанье.
И монастырь его отец
Стеною мощною обстроил,
Чтоб наконец-то жизнь чернец
Себе спокойную устроил.
И вот, когда как крепость стал
Сей монастырь,
тогда-то, мнится,
Великий царь и приезжал
Иконе знатной помолиться.
За то,
чтоб не терзала грусть,
Чтоб хворь проклятая отстала,
За то,
чтобы Святая Русь
Твердыней неприступной стала.

* * *
И пролетела жизнь его.
Приспело время Михаила.
Но только жаль,
и у него
Врагов ничуть не меньше было.
На север вторгся по весне
Воитель шведский
Делагарди,
На белом ехал он коне
Несметных полчищ в авангарде.
– Здесь, – говорил, – в монастыре
Есть чудотворная икона,
И захотелось, братья, мне
Отвесить чудной три поклона.
Один – чтоб в битвах счастлив был,
Другой – чтоб бился не впустую,
А третий – чтобы покорил,
Как пол-Европы,
Русь Святую. –
Вот монастырь.
И он в него,
Коня оставив, мирно входит,
Молиться хочет,
и его
К иконе в Божий храм проводят.
Он молится.
Но во дворе
Смеётся с другом: – Э, пустое! –
И конники по той поре
Встают в обители постоем.
Воитель оставляет их,
А сам на Новгород с войсками
Спешит в порядках боевых
И топчет свежий луг конями.

* * *
В те дни жила в монастыре
Благочестивая Мария.
Прозрели в прошлом январе
Глаза её, как тьма, слепые.
Когда уже совсем невмочь
От постояльцев новых стало,
Мария после службы в ночь
Вдруг Пресвятую увидала.
Навстречу к ней Она идёт,
И голос дивный раздаётся:
– Буди монашеский народ,
Пусть тут же за мечи берётся,
Гостей незваных гонит вон.
Царь Михаил вчера разбил их,
Они бегут, неся урон,
И вы гоните их, постылых! –
Мария будит чернецов,
И те, оружье взяв в подвалах,
Теснят врагов со всех концов,
Безвольных, сонных и усталых.
Забыв добычу и коней
И от ударов пряча лица,
Они торопятся скорей
От чёрных демонов укрыться.
И то-то гневом воспалён
Воитель шведский Делагарди,
Когда в бессильи видит он
Побег своих хвалёных гвардий.
И неизвестно почему
Средь этой скачки обозлённой
Вдруг вспоминается ему
Осмеянная им икона.

* * *
Но вскоре удалось собрать
Ему гораздо больше войска.
Он Русь спешит завоевать,
И нет и тени беспокойства,
Что в пепле храмов и божниц
Меч русский варвар не уронит
И перед ним не рухнет ниц,
И навсегда главы не склонит.
И нынче битву он начнёт
С того, что гордую святыню
Возьмёт, разрушит и сожжёт,
И превратит её в пустыню.
И темень войска своего
Он шлёт на гордую обитель.
Не видно свету самого,
И молит Бога местный житель:
– Такого вражьего числа
Русь от рожденья не знавала!
О, если б эта жуть прошла,
Как наваждение, пропала.
О, как бы мы перед Тобой,
Всё в мире позабыв, молились
И дерзкою своей душой
С какой бы радостью смирились.
Но чужеземные войска
У стен ряды свои сгущают.
Гарцует конница, легка,
Стрелки пищалями стращают.
И полк подходит за полком
В пыли по самую макушку,
И на холме
перед леском
Уж бомбардиры ставят пушку.

* * *
На белом щегольском коне
Сам Делагарди выезжает,
Сияет солнце на броне,
Он гневно руку поднимает,
Штурмующих на приступ шлёт,
И с лесом лестниц,
со щитами
Волна людей о стены бьёт,
И медленно чужое знамя
Всё выше,
выше
от земли
К седым зубцам стены стремится,
И стрелы тучами легли,
И стая пуль смертельных мчится.
Вот-вот и встанет на стене
Смельчак со знаменем заморским. –
Как супротивиться волне
Лихих вояк – монахов горстке?!
Но дивный инок, сняв шелом,
К зубчатой нише подступает.
Он, словно пёрышком, бревном,
Смеясь в лицо врагам, играет.
Бьёт в лесницу одним концом,
Та рушится,
и, жертва мести,
Несётся вниз
кричащий ком
Со знаменем военным вместе.
И участь лестниц решена,
Атака первая отбита.
Смеётся инок:
– Вся спина,
Как будто киселём облита. –
Сдирает смоль сосны с лица,
Весёлый, сильный, ясноглазый,
И шлёт какого-то мальца
За новой иноческой рясой.

* * *
Но о беде бойцов Христа,
О том, несчастия какие,
Какие боль и маета, –
Об этом знала лишь Мария.
В подвале трапезном она
Всех пострадальцев разместила
И йода, марли, полотна
Достала, воду вскипятила.
И получился лазарет,
Забот такое же беремя;
Помощников вот только нет.
Да где же взять в такое время!
Послушник, правда, был, – юнец,
Но здесь остался бы едва ли,
Всё убегал
и, как боец,
Стрелял в бойнице из пищали.
Какой был у мальчонки глаз!
Какая в юном духе сила!
В могиле братской спит сейчас,
Стрела послушника пронзила.
И вот одна она, хоть плачь,
На части рвись –
всё будет мало.
И милосердная, и врач,
И, Бог помог, хирургом стала.
На сердце холод ледяной,
А это только то и значит,
Что будь убитым брат родной,
Она не всхлипнет, не заплачет.
И сердце сжалось только раз,
Темно, безжизненно и душно,
Когда от раны между глаз
В подвале умирал послушник.
Он вдруг заплакал так легко,
Так безутешно, как ребёнок,
И слёзы потекли рекой,
И плач был, словно нитка, тонок.
Она притронулась к рукам,
Сказала:
– Смерти не бывает.
Не плачь. Ты скоро будешь там,
Где Божья Матерь нас встречает.
Она приветит. Ты герой.
С тобою враг шутил не шибко. –
И под мальчишеской слезой
Скользнула ясная улыбка.

* * *
А Делагарди
бунтовал.
Людей своих, как зёрна мельник,
Он злобно в порошок стирал:
– Ну, что? Опять не взял, бездельник?!
Ведь там не крепость, а редут,
Какой же, право, ты воитель?
Пусть был бы Новгород,
а тут
Всего какая-то обитель! –
И генералы сгоряча
(Что делать – сами уж не знали),
Всё – от пращи и до меча –
На штурм избитых стен бросали.
И вновь безумный бой гремел,
И стрелы тучей нависали.
Бойцы – да где же он, предел,
И сколько дней прошло – не знали.
Но вот и ночь.
В подвале свет.
В душе Мария Бога славит.
То успокоит чей-то бред,
То простынь спавшую поправит.
Как все в обительском дворе,
Минуты отдыха не знает,
И только утром, на заре,
Глаза усталые смыкает.
И сон несёт её,
несёт
В какой-то светлый сад зелёный.
Вдруг видит –
Божья Мать идёт,
Спустившись с Тихвинской иконы.
Лик вправо наклонён слегка,
На капюшоне складок свитки,
И так же правая рука
Отодвигает край накидки.
– Проснись, Мария!
Объяви
Всем, кто теперь в тисках осады,
Чтоб с изъявлением любви
Ко Господу –
стеной ограды
С Моей иконой обошли
Вокруг,
забыв тоску острожью,
И так – познают мир земли,
И так – да узрят милость Божью!

* * *
И вот по крепостной стене,
Чудесным светом озарённой,
Уже привыкшие к войне,
Идут за мирною иконой
Монахи тесною толпой
И громкою священной песней
Ночь оглашают пред собой
И задремавший мир окрестный.
И шведы, сонные глаза
С испугом смертным протирая,
Вдруг видят – движется гроза,
Кипящей яростью сверкая.
И тучами войска идут,
И огненно блестят доспехи,
И дружно ангелы поют,
Суля им скорые успехи.
И от московских дальних мест
Они шагают и шагают,
И затопили всё окрест,
И бедных шведов окружают.
И, бросив копья и мечи
И шлемы, чтобы не мешали,
Безумные враги в ночи
В жестокой панике бежали.
Бежали, падали врастяг,
И кони падавших топтали,
И под кустом валялся стяг,
Который (будет помнить враг!)
Так над стеной и не подняли.

* * *
В лесах окрестных, говорят,
Нашли испуганного шведа,
Он сам был русским сдаться рад,
И всё шептал: – Какой победа.
Позднее через толмачей
Монахи всё узнать пытались,
Как нехристи не от мечей,
А от иконы разбежались.
Мудрили с бедным, как могли,
Но пленный улыбался кисло,
И всё никак дела не шли
По части проясненья смысла.
Рвалась его цепочка слов:
– О, боги. я не понимаю.
Такого полчища бойцов
Никто не видел в нашем крае.
И сразу вдруг, со всех сторон,
Они бросались так ужасно. –
И страхом вновь терзался он:
– Откуда. ничего не ясно.
Сказал игумен: – Всё понять –
Тут надо дюже постараться.
Зато уж точно будешь знать,
Как с Божьей Матерью сражаться.

Источник

Икона Богородицы Тихвинская

Празднование

История

Тих­вин­ская ико­на Бо­жи­ей Ма­те­ри, по пре­да­нию, од­на из икон, на­пи­сан­ных свя­тым апо­сто­лом и Еван­ге­ли­стом Лу­кой. В V в. из Иеру­са­ли­ма бы­ла пе­ре­не­се­на в Кон­стан­ти­но­поль, где для нее был по­стро­ен Влахерн­ский храм. В 1383 го­ду, за 70 лет до взя­тия тур­ка­ми Кон­стан­ти­но­по­ля, ико­на ис­чез­ла из хра­ма и в лу­че­зар­ном све­те яви­лась над во­да­ми Ла­дож­ско­го озе­ра. Чу­дес­но но­си­мая с ме­ста на ме­сто, она оста­но­ви­лась близ го­ро­да Тих­ви­на. На ме­сте яв­ле­ния ико­ны был по­стро­ен де­ре­вян­ный храм в честь Успе­ния Бо­го­ро­ди­цы. Усер­ди­ем ве­ли­ко­го кня­зя Ва­си­лия Ива­но­ви­ча (1505–1533) вме­сто де­ре­вян­но­го хра­ма был воз­ве­ден ка­мен­ный. В 1560 го­ду по при­ка­зу ца­ря Иоан­на Гроз­но­го при хра­ме был устро­ен муж­ской мо­на­стырь, об­не­сен­ный ка­мен­ной сте­ной. В 1613–1614 го­дах швед­ские вой­ска, за­хва­тив Нов­го­род, не раз пы­та­лись уни­что­жить мо­на­стырь, но за­ступ­ле­ни­ем Бо­жи­ей Ма­те­ри оби­тель бы­ла спа­се­на. Так, од­на­жды, в ви­ду при­бли­жав­ше­го­ся швед­ско­го вой­ска, ино­ки ре­ши­ли бе­жать из мо­на­сты­ря, взяв чу­до­твор­ную ико­ну, но не мог­ли сдви­нуть ее с ме­ста. Это чу­до оста­но­ви­ло ма­ло­душ­ных, и они оста­лись в мо­на­сты­ре, упо­вая на за­щи­ту Бо­жи­ей Ма­те­ри. Незна­чи­тель­ные по чис­лу за­щит­ни­ки мо­на­сты­ря успеш­но от­ра­жа­ли ата­ки на­мно­го пре­вос­хо­див­ших их сил про­тив­ни­ка. На­сту­па­ю­щим шве­дам то пред­став­ля­лась мно­го­чис­лен­ная рать рус­ских, иду­щая от Моск­вы, то ка­кое-то небес­ное во­ин­ство, и они об­ра­ща­лись в бег­ство. По­сле чу­дес­ной по­бе­ды над шве­да­ми в мо­на­стырь при­бы­ли цар­ские по­слы. Сняв спи­сок с чу­до­твор­ной ико­ны, они от­пра­ви­лись в де­рев­ню Стол­бо­во, в 50 вер­стах от Тих­ви­на, где 10 фев­ра­ля 1617 го­да был за­клю­чен мир со шве­да­ми. Глав­ною по­ру­кою ми­ра с рус­ской сто­ро­ны был при­не­сен­ный спи­сок с чу­до­твор­ной ико­ны. Впо­след­ствии этот спи­сок был при­не­сен в Моск­ву и по­став­лен в Успен­ском со­бо­ре, а за­тем по прось­бе нов­го­род­цев, участ­ни­ков вой­ны со шве­да­ми, от­прав­лен в Нов­го­род и по­став­лен в Со­фий­ском со­бо­ре. Так с на­ча­ла XVII ве­ка на­ча­лось все­рос­сий­ское по­чи­та­ние Тих­вин­ской ико­ны Бо­жьей Ма­те­ри.
В ХХ ве­ке, в го­ды ли­хо­ле­тья и же­сто­ких го­не­ний на Цер­ковь Бо­жию мо­на­стырь был за­крыт. В 1944 го­ду бу­ду­щий ар­хи­епи­скоп Чи­каг­ский и Мин­неа­по­лис­ский Иоанн (Гарк­лавс) и ми­ря­нин по име­ни Сер­гий (впо­след­ствии его при­ём­ный сын), спа­сая чу­до­твор­ную Тих­вин­скую ико­ну, увез­ли её в Ев­ро­пу, а за­тем – в США. Пе­ред сво­ей кон­чи­ной в 1982 го­ду ар­хи­епи­скоп Иоанн за­ве­щал сво­е­му при­ём­но­му сы­ну про­то­и­е­рею Сер­гию Гарк­лав­су за­бо­тить­ся об иконе Бо­го­ро­ди­цы Тих­вин­ская и вер­нуть её Рос­сии то­гда, ко­гда в стране из­ме­нит­ся от­но­ше­ние свет­ской вла­сти к Церк­ви и бу­дет вос­ста­нов­лен Тих­вин­ский мо­на­стырь. Тор­же­ствен­ное воз­вра­ще­ние свя­ты­ни про­изо­шло в 2004 го­ду: 8 июля 2004 го­да, по­сле 60-лет­не­го от­сут­ствия, свя­ты­ня вер­ну­лась в Тихвинский Богородичный Успенский монастырь, ко­то­рый из­бра­ла для сво­е­го по­сто­ян­но­го пре­бы­ва­ния шесть сто­ле­тий на­зад.

Богослужения

Молитвы

Молитва Пресвятой Богородице пред иконой Ея «Тихвинской»

Благодари́м Тя, о Преблага́я и Пречи́стая, Преблагослове́нная Де́во, Влады́чице, Ма́ти Христа́ Бо́га на́шего, о всех благодея́ниих Твои́х, я́же показа́ла еси́ ро́ду челове́ческому, наипа́че же нам, христоимени́тым лю́дем росси́йским, о ни́хже ниже́ са́мый а́нгельский язы́к к похвале́нию дово́лен бу́дет. Благодари́м Тя, я́коже и ны́не удиви́ла еси́ неизрече́нную Твою́ ми́лость на нас, недосто́йных рабе́х Твои́х, преесте́ственным самоприше́ствием Пречи́стыя Твоея́ ико́ны, е́юже всю просвети́ла еси́ Росси́йскую страну́. Те́мже и мы, гре́шнии, со стра́хом и ра́достию покланя́ющеся, вопие́м Ти: о Пресвята́я Де́во, Цари́це и Богоро́дице, спаси́ и поми́луй лю́ди Твоя́, и пода́ждь им побе́ды на вся враги́ их, и сохрани́ ца́рствующия гра́ды, и вся гра́ды и страны́ христиа́нския, и сей святы́й храм от вся́каго наве́та вра́жия изба́ви, и всем вся на по́льзу да́руй, ны́не прише́дшим с ве́рою и моля́щимся рабо́м Твои́м, и поклоня́ющимся Пресвято́му о́бразу Твоему́, я́ко благослове́нна еси́ с ро́ждшимся от Тебе́ Сы́ном и Бо́гом, ны́не и при́сно и во ве́ки веко́в. Ами́нь.

Дне́сь, я́ко со́лнце пpесве́тлое,/ возсия́ нам на возду́се всечестна́я ико́на Твоя́, Влады́чице,/ луча́ми ми́лости миp пpосвеща́ющи,/ ю́же вели́кая Росси́я,/ я́ко не́кий даp Боже́ственный свы́ше благогове́йне воспpие́мши,/ пpославля́ет Тя, Богома́ти, всех Влады́чицу,/ и от Тебе́ pо́ждшагося Хpиста́ Бо́га на́шего велича́ет pа́достно./ Ему́же моли́ся, о Госпоже́ Цаpи́це Богоpо́дице,/ да сохpани́т вся гpа́ды и стpаны́ хpистиа́нския/ невpеди́мы от всех наве́т вpа́жиих/ и спасе́т ве́pою поклоня́ющихся Его́ Боже́ственному/ и Твоему́ пpечи́стому о́бpазу,// Де́во Неискусобpа́чная.

Перевод: В сей день как солнце пресветлое воссияла нам на воздухе всесвященная икона Твоя, Владычица, лучами милости мир просвещая! Ее великая Россия, как некий дар Божественный свыше благоговейно приняв, прославляет Тебя, Богоматерь, всех Владычицу, и от Тебе родившегося Христа, Бога нашего, величает радостно. Ему молись, о Госпожа Царица Богородица, да сохранит все города и страны христианские невредимыми от всех козней вражеских и спасет с верою поклоняющихся Его Божественному и Твоему пречистому образу, Дева брака не познавшая.

Притеце́м, лю́дие, к Де́вей Богоро́дице Цари́це,/ благодаря́ще Христа́ Бо́га,/ и, к Тоя́ чудотво́рней ико́не уми́льно взира́ющи, припаде́м и возопие́м Ей:/ о Влады́чице Мари́е,/ присети́вше страну́ сию́ Твоего́ честна́го о́браза явле́нием чуде́сно,/ спаса́й в ми́ре и благовре́менстве оте́чество на́ше и вся христиа́ны,/ насле́дники показу́ющи Небе́сныя жи́зни,/ Тебе́ бо ве́рно зове́м:// ра́дуйся, Де́во, ми́ра спасе́ние.

Перевод: Прибегнем, люди, к Деве Богородице Царице, благодаря Христа Бога, и, к Ее чудотворной иконе с умилением взирая, припадем и возгласим Ей: «О Владычица Мария, посетив страну сию Твоего священного образа явлением чудесным, сохраняй в мире и благополучии Отечество наше и всех христиан, являя их наследниками Небесной жизни, ибо мы к Тебе с верою взываем: Радуйся, Дева, мира спасение!»

Молитва вторая Пресвятой Богородице пред иконой Ея «Тихвинской»

О Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице. Приими́ хвале́бно благода́рственное пе́ние сие́ от нас недосто́йных раб Твои́х и вознеси́ моли́твы на́ша ко престо́лу Бо́га Сы́на Твоего́, да ми́лостив бу́дет непра́вдам на́шим и проба́вит бла́гость Свою́ чту́щим всечестно́е и́мя Твое́ и с ве́рою и любо́вию поклоня́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостививши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей; услы́ши нас моля́щихся Тебе́, осени́ нас вседержа́вным покро́вом Твои́м и испроси́ у Бо́га, Сы́на Твоего́, па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиреному́дрие, супру́гам любо́вь и согла́сие, ча́дам послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние: всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́: разсе́янныя собери́, заблу́ждшыя на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша к зре́нию спасе́ния, ми́лостива нам бу́ди зде и та́мо, в стране́ земна́го прише́льствия и на Стра́шнем Суде́ Сы́на Твоего́: преста́вльшыяся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты бо еси́, Госпоже́, сла́ва Небе́сных и упова́ние земны́х. Ты по Бо́зе на́ша Наде́ждо и Засту́пница всех притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно, и во ве́ки веко́в. Ами́нь.

Каноны и Акафисты

Акафист Пресвятой Богородице пред иконой «Тихвинская»

Кондак 1

Взбранной Воеводе, Владычице нашей Богородице благодарственная пения восписуем о явлении чудныя Ея иконы, к нейже притекающии присно избавляются от враг видимых и невидимых. Ты же, Госпоже неба и земли, яко милосердная Мати, приими ныне малое сие моление наше и неотступну никогда же сотвори милость Твою от нас и заступление, охраняющи от всех бед и напастей нас, зовущих Ти:

Радуйся, Владычице, милостивая о нас пред Богом Заступнице.

Икос 1

Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице:

Радуйся, всех Небесных Сил высшая; радуйся, вся ангельския чины превосходящая.

Радуйся, честнейшая Херувим; радуйся, славнейшая без сравнения Серафим.

Радуйся, радование Ангелов; радуйся, похваление ликов небесных.

Радуйся, от Ангелов воспеваемая; радуйся, от Серафимов прославляемая.

Радуйся, от Архангел поклоняемая; радуйся, от воинств небесных почитаемая.

Радуйся, в иконе Твоей от Ангел чтимая; радуйся, в видимем образе Твоем от невидимых сил носимая.

Радуйся, Владычице, милостивая о нас пред Богом Заступнице.

Кондак 2

Видяще рыбарие над пучиною вод носимую невидимою силою и светом подобно солнцу сияющую Твою, Богомати, икону с Предвечным Младенцем, рыбарей призвавшим на уловление мира в сети спасения, возопиша: Аллилуиа.

Икос 2

Разум недоразуменный дивнаго явления иконы Твоя разумети людие ищуще, уведеша, яко чтимая в Цареграде пречестная икона в наследие Российскому роду даровася. Темже мы благодаряще за милость Твою к роду нашему вопием Ти:

Радуйся, Мати истинныя Жизни; радуйся, послушанием Твоим преслушание Евы исцелившая.

Радуйся, затворенный Эдем отверзшая; радуйся, миру явившая Сокрушителя главы змиевы.

Радуйся, ковчеже Умирителя мира носивший; радуйся, мир спасшая от потопления греховнаго.

Радуйся, лествице, Еюже сниде Бог; радуйся, земных возводящая на небо.

Радуйся, море фараона мысленнаго потопившее; радуйся, купино неопалившаяся всельшимся в Тя огнем Божества.

Радуйся, скрижале Богописанная; радуйся, каменю, воду жизни источивший жаждущим.

Радуйся, Владычице, милостивая о нас пред Богом Заступнице.

Кондак 3

Сила Вышняго осеняше страну Тихвинскую егда икона Пречистыя Богоматере, многочастне являющися и временным пребыванием освящающи землю, к воздвизанию храмов святых возбуждаше, да славится имя Владычицы во славу Триипостаснаго Бога, Емуже вопием: Аллилуиа.

Икос 3

Имуще благоутробное изволение, да людие страны Тихвинския вожделеют пребывания Твоего с ними да памятуют выну покров Твой, икону Твою являла еси многочастне, дондеже указала еси богоизбранное место вселения ея. Темже чудящеся вопием Ти:

Радуйся, скиние, в Нейже вселися Божество телесне; радуйся, святая святых, в Неюже единою вниде вечный Архиерей.

Радуйся, кивоте позлащенный Духом, Законодателя носивший; радуйся, светильниче, огнем Божественным возженный.

Радуйся, стамно, носившая манну жизни Христа; радуйся, трапезо, Хлеб животный вместившая.

Радуйся, кадильнице угль Божества имущая, мир весь облагоухавшая; радуйся, жезле, Цвет прозябший Христа.

Радуйся, столпе, к вечному наследию руководяй; радуйся, облаче, от враг видимых и невидимых покрываяй.

Радуйся, земле обетования; радуйся, руно, на негоже Христос, яко дождь сниде с небесе.

Радуйся, Владычице, милостивая о нас пред Богом Заступнице.

Кондак 4

Бурю смущения и скорби утолити тщащеся, благовернии людие взываше ко Господу: яви нам божественный дар, егоже человеколюбне стране Российстей послал еси, не скрый сокровища, имже душевную нищету нашу обогатити надеяхомся, претвори печаль нашу в радость, отри слезы и рыдания. И улучивше желаемое, возопиша: Аллилуиа.

Икос 4

Слышав пастырь паствы своея радостное обретение и Матерь Пастыреначальника упасшуюся в странах Тихвинских, устрояет храм в честь новоявленныя иконы Ея, и пресвитеры учреждает, да выну прославляя Богоматерь, вопиют Ей:

Радуйся, Дщи, приклонившая ухо ко гласу Отца Небеснаго; радуйся, яко праматернее сетование разрушися рождеством Твоим.

Радуйся, Невесто, Еяже доброты вожделе Царь Небесный; радуйся, Царице, одесную Царя представшая.

Радуйся, рясны златыми украшенная и всю славу внутрь имущая; радуйся, вводящая многих в чертог Царства Небеснаго.

Радуйся, яблоко, егоже благовоние обоняет весь мир; радуйся крине чистоты, блистанием светяйся.

Радуйся, миро благовонное, всему миру излиянное; радуйся, царскую порфиру, плоть Творца всех, из девственных кровей Твоих исткавшая.

Радуйся, живый запечатленный источниче, источивший Воду жизни; радуйся, мысленный винограде, Гроздь Божественный возрастивый.

Радуйся, Владычице, милостивая о нас пред Богом Заступнице.

Кондак 5

Боготечная звезда явися икона Твоя, Богомати, вся страну Тихвинскую обтекающи и сущих во тьме невежествия светом боговедения озаряющи, скорбящих радостию осиявающи, заблуждающих же на путь делания заповедей Сына Твоего и Бога наставляющи, Ему же благодарственне вопием: Аллилуиа.

Икос 5

Видев Георгий на кладе древа седящу Жену, жезл червленный в руках имущу и светом неизреченным сияющу, Ейже, предстоя, беседоваше дивный Святитель, позна чрез благоухание благодати Тя, Богородицу, чувственный зрак приимшую и Святителя Николая предстояща Тебе, и возопи со трепетом:

Радуйся, доме, егоже созда Себе для вселения Премудрость Божия; радуйся, Дево, Еммануила родившая.

Радуйся, жезле Иессеов, от негоже прозябе Цвет Христос Бог; радуйся, Неневестная Невесто, осенением Духа заченшая Сына.

Радуйся, свитче, в немже перстом Отчим написася Слово; радуйся, книго девства запечатленная, Иосифу на хранение врученная.

Радуйся, клеще таинственная, угль Божества во чреве приемшая; радуйся, престоле превознесенный, на немже плотию возседе Христос.

Радуйся, облаче легкий, на немже прииде Господь славы; радуйся, врата затворенная, имиже един Христос пройде.

Радуйся, горо несекомая, от неяже краеугольный камень отсечеся, Христос; радуйся, огнеросная пеще, неопально приимшая огнь Божества.

Радуйся, Владычице, милостивая о нас пред Богом Заступнице.

Кондак 6

Проповедник быв видимаго Твоего пребывания в стране Тихвинстей и дивнаго промьшления о ней, благочестивый Георгий явление Твое и волю Твою людем возвести, ейже неповинующиися чудесы вразумляются славити Тя, Владычице, и пети Богу: Аллилуиа.

Икос 6

Возсияти свету Богопознания явлением иконы Твоея изволившая, и свет иноческия жизни возжещи благоволила еси, Богомати, на месте явления Твоея иконы, да иноков лицы вопиют Ти непрестанно:

Радуйся, неплоднаго корене благоплодное прозябение; радуйся, от младенчества Богу посвященная.

Радуйся, во святем храме воспитавшаяся; радуйся, Богу уневестившаяся.

Радуйся, всеми добродетельми преукрашенная; радуйся, светоносная палато, Владыце уготованная.

Радуйся, благодатию Божиею предочищенная; радуйся, от начала веков во главизну нашего спасения предъизбранная.

Радуйся, Невесто Архитектона небеснаго, земному тектону на хранение врученная; радуйся, малый Назарет Своим пребыванием возвеличившая.

Радуйся, горних сил похвало; радуйся, всех земнородных славо.

Радуйся, Владычице, милостивая о нас пред Богом Заступнице.

Кондак 7

Хотящим преподобным Мартирию и Кириллу во уединении подвизатися и труды и подвиги иноческими Богу угождати, путь в место вожделеваемаго подвига в столпе огненнем и гласе указала еси. Они же познавше Тя, яко Одигитрию благую, спутешествующую им, возопиша Богу: Аллилуиа.

Икос 7

Новый источник чудес в стране северней явися икона Твоя Тихвинская, Пресвятая Владычице, независтно точащий изцеления всем притекающим с верою: слепии бо прозирают, немии благоглаголиви бывают, глусии слышат, разслаблении востают, бесноватии от уз демонских свобождаются. Темже славяще Тя, возопием:

Радуйся, яко на Тебе почи благоволение Отчее; радуйся, Духом Святым осененная.

Радуйся, яко в Тебе воплотися Сын Божий, Спас миру; радуйся, совета неизреченнаго Таиннице.

Радуйся, от Ангела благовестие приимшая; радуйся, ангельским, еже радуйся, весь мир обрадовавшая.

Радуйся, яко Господь с Тобою; радуйся, яко Тобою вси земнороднии Богу приближишася.

Радуйся, Благословенная в женах; радуйся, всем женам благословение даровавшая.

Радуйся, Мати, до рождества и по рождестве пребывшая Девою; радуйся, начаток чести и славы девства.

Радуйся, Владычице, милостивая о нас пред Богом Заступнице.

Кондак 8

Странно чудо явления образа Твоего, Владычице, и несказанно, удивляет премирная и ужасает земная, вкупе же и просвещает благодатию рождшагося от Тебе Христа Бога нашего. Странно и заступление обители от врагов, хвалившихся разорити достояние Твое. Сего ради вопием Богу: Аллилуиа.

Икос 8

Вся еси в вышних, Владычице, но и нижних не оставляеши, защищающи, аки стеною и забралом, честною иконою Твоею обитель Твою. Рекла бо еси, егда бысть нашествие вражие, да возмут людие икону Твою и обыдут по стенам окрест, и узрят милость Божию. Темже избавлении Тобою от враг возопиша Тебе:

Радуйся, Мати Творца и Господа Своего; радуйся, Еяже ради младенец Иоанн взыграся во чреве Елисаветы.

Радуйся, от всех родов ублажаемая; радуйся, смирением возвышенная.

Радуйся, небесным радование и земным мир рождением Твоим даровавшая; радуйся, от Ангелов славословие, от пастырей величание, от волхвов поклонение о рождении Твоем приимшая.

Радуйся, млеком питавшая горняя и дольняя благодатию Своею Питающаго; радуйся, пеленами повившая Одевающагося светом, яко ризою.

Радуйся, носившая на руку Твоею Носящаго весь мир дланию; радуйся, во храм принесшая Священие храма.

Радуйся, Симеоном благословенная; радуйся, Анною пророчицею возвеличенная.

Радуйся, Владычице, милостивая о нас пред Богом Заступнице.

Кондак 9

Всякаго естества ангельскаго чистейши сущи, Владычице, обитель, ради пришествия Твоея иконы созданную, от нечистоты греховныя близ погибели бывшую, но покаянием очистившуюся, яко общая Молебница о роде христианском, избавила еси от врагов, по подобию нечистых животных подкопати ю трудившихся. Темже вопием Богу: Аллилуиа.

Икос 9

Витии многовещаннии недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши люди на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти:

Радуйся, Египет освятившая пришествием Твоим; радуйся, Галилейскую страну прославившая пребыванием Твоим.

Радуйся, по всему Иерусалиму искавшая Отроча Твое, Егоже возлюби душа Твоя; радуйся, в дому Отца Его обретшая Его.

Радуйся, вся глаголы о Сыне Твоем слагавшая в сердце Своем; радуйся, в Сыне Твоем прежде всех познавшая Бога.

Радуйся, Сыну Твоему послужившая в земнем житии Его; радуйся, страданием Его спострадавшая.

Радуйся, при Кресте Сына Твоего усыновление Иоанна апостола и всех верующих приимшая; радуйся, Матерински возлюбившая искупленных кровию Его.

Радуйся, первее всех уразумевшая тайну воскресения Сына Твоего; радуйся, премногия радости насладившаяся в вознесении Сына Твоего на небеса.

Радуйся, Владычице, милостивая о нас пред Богом Заступнице.

Кондак 10

Спасти хотящи многия люди от обдержащих их скорбей и болезней и веру их утвердити во всесильное заступление Твое, Владычице, во многих градех, обителех, весех православныя страны силу чудотворения даровала еси изображением честныя иконы Твоея, да видяще являемую Тобою милость, вопиют со умилением Богу: Аллилуиа.

Икос 10

Стена и щит была еси, Владычице, православному воинству, под знамением Твоея иконы противу дванадесяти язык воинствовавшему, сохраняя его от стрел вражиих. Темже буди стена и покров от всех врагов видимых и невидимых и нам, ко пречестней иконе Твоей с верою и любовию припадающим и вопиющим Тебе:

Радуйся, утешение верным по вознесении Сына Твоего; радуйся, учительнице и споспешнице Апостолом.

Радуйся, извещением Твоего к Богу отшествия обрадованная; радуйся, лик ученический облаком к погребению Ти совокупльшая.

Радуйся, от земли дланьми Сына Твоего восприемлемая; радуйся, от всех ангельских чиноначалий провождаемая.

Радуйся, земное небо к горнему селению возвышенное; радуйся, престоле Господень, от земли вознесенный в Царствие Небесное.

Радуйся, воздух освятившая восхождением Твоим; радуйся, чрез Фому уверившая Твое на небо с плотию преселение.

Радуйся, ученическому лику обещание хранити его исполньшая; радуйся, присещением Твоим от Сына Твоего и Бога мир тому подавшая.

Радуйся, Владычице, милостивая о нас пред Богом Заступнице.

Кондак 11

Пение всякое побеждается, спростретися тщащеся ко множеству чудес, приснобываемых от святыя Твоея и чудотворныя иконы. Якоже бо скорая Помощница недуги исцеляеши, от бед избавляеши, от мучения демонов свобождаеши, на всяком месте с верою Тя призывающих и вопиющих Богу: Аллилуиа.

Икос 11

Светоприемную свещу зрим святую икону Твою, Богомати, во странах Тихвинских благодатию Твоею возженную, всю страну просвещающую и многих ко свету своему привлекающую на спасение душ. Темже вопием Ти:

Радуйся, сохраняти и спасати всех призывающих Тя обещавшая; радуйся, прославляющих Тя прославляющая.

Радуйся, к Сыну Твоему и Богу молитвы верных приносящая; радуйся, и Сама непрестанно у престола Сына Твоего и Бога молящаяся о всех.

Радуйся, благодать Твою иконам Твоим честным даровавшая; радуйся, всю вселенную лучами Твоея благодати озарившая.

Радуйся, честнейшая Херувим и славнейшая Серафим; радуйся, всея твари высшая.

Радуйся, Царице Неба и земли; радуйся, яко много может молитва Твоя пред Сыном Твоим.

Радуйся, всего рода христианскаго скорое заступление; радуйся, всех верных твердое упование.

Радуйся, Владычице, милостивая о нас пред Богом Заступнице.

Кондак 12

Благодати Твоея новое знамение дати восхотев, Петрову граду источник чудес отверзла еси, Богомати, в иконе Твоей, да верующии вразумляются, труждающиися и скорбящии обретают готовое прибежище и заступление и, прославляющи Бога даровавшаго таковая, вопиют Ему: Аллилуиа.

Икос 12

Поюще чудеса Твоя и милости роду нашему явленныя, умильно припадаем к пречистому образу Твоему, Владычице, и лобызающе, со страхом и любовию молим Тя: настави нас на путь спасения, да достойни будем выну Твоего милостиваго заступления, буди присно Заступница и Ходатаица о нас, вопиющих Ти:

Радуйся, верных утверждение и защищение; радуйся, неверных вразумление и просвещение.

Радуйся, отчаянных надеждо; радуйся, грешных спасение.

Радуйся, печальных утешение; радуйся, больных исцеление.

Радуйся, вдов и сирот покрове; радуйся, обидимых прибежище.

Радуйся, царей укрепление; радуйся, святителей удобрение.

Радуйся, девствующих похвало; радуйся, всех благочестивых веселие.

Радуйся, Владычице, милостивая о нас пред Богом Заступнице.

Кондак 13

О Всепетая Мати, рождшая всех святых Святейшее Слово, буди нам покров и защищение в жизни сей от врагов видимых и невидимых, от бед и скорбей, сохрани от искушений и грехопадений, и в будущей жизни, на суде Сына Твоего и Бога нашего, буди Заступница и Ходатаица, избавляющи нас от вечнаго осуждения, да спасеннии Тобою, с лики ангельскими вопием Богу: Аллилуиа.

Этот кондак читается трижды, затем икос 1- й «Ангелов лицы…» и кондак 1-й «Взбранной Воеводе…».

Молитва 1-я

О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебноблагодарственное пение сие от нас, недостойных раб Твоих, и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя, разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на Страшнем Суде Сына Твоего; преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва 2-я

Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.

Канон Пресвятой Богородице пред иконой «Тихвинская»

Песнь 1

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

О Троице Вседержительная и Единице Трисолнечная! Душу мою, и сердце, и ум, молю, просветивши и благодатию освятивши, к Божественней Твоей любви, Преблагая, возведи и настави благочестно пети благосердие Приснодевы Благословенныя.

Благаго Царя Благая Мати, Яже всем благопослушная в прошениих и всесильная в благодеяниих, благодать света Твоего и нам возсияй и облагодати днесь, о Богоблагодатная, песнь Тебе пети начинающия.

Ликом Ангельским виновно есть радости Твоего, Владычице, настоящаго торжества славословие: сии бо днесь движутся к похвалению; мы же, бреннии, что Ти принесем? Точию усердная благодарствия.

Архангельский глас поем Ти: радуйся, Чистая, аще и недостойни есмы. За благость убо сей приими, Владычице, светом милости Твоея нас просвещающи и благодать всем подающи.

Песнь 3

Ирмос: Утверждей в начале небеса разумом и землю на водах основавый, на камени мя, Христе, заповедей Твоих утверди, яко несть свят, паче Тебе, едине Человеколюбче.

Грядите, вернии, на преславное видение, зрите на высоте благолепно сияющу пречистым Своим образом Деву Пречистую, нас благодатно посещающу, благоверно поющих: несть пречисты, паче Тебе, Владычице.

Освящается, Богородице, Твоею благодатию всяк ум верных и возвышается чудным иконы Твоея пришествием, юже благочестно почитающих и Тебе верно славящих, сподоби, Владычице, нас, рабов Твоих, Вышняго причастия.

Даждь нам ненаветно Небесную шествовати стезю, Богоневестная, на Божественная деяния нас укрепляющи, яко да Твоим, Дево, заступлением злокозненнаго пути уклоньшеся, присносущныя славы будем общницы.

Ангелов Творца, истиннаго Света Христа, неизреченно из Тебе, Богомати, возсиявшаго лучами, омраченныя наша души и сердца просвети и благодатию Твоею, о Благодатная, освяти, к Горняго света рачению наставляющи.

Седален

Яко древняго воистину кивота честнейший Твой пречистый образ, Владычице! Паче бо илектра блистаяся, повсюду неоскудно лучи милости Твоея всем, являя, простирает и чтущия преславное пришествие его благодатию Божиею милостивно соблюдает. О немже, Владычице, мы, радующеся, усердно празднуем и матернее Твое к нам милосердие прославляем.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Творец всех и Создатель, вседержительною силою носяй всяческая, образом Своим Божественным и Твоим, Дево, днесь чудоносным преславно прииде, на руку Твоею, Чистая, носим, на спасение человеком и исцеление.

Неизреченному Божию дарованию, иконе Света Христа и Пречистыя Девы, приидите, вернии, поклонимся и с любовию припадем, вопиюще: низпосли, о Благодателю, рождшия Тя ради Приснодевы Благосердыя, благодать и милость нам, рабом Твоим.

Ангелов Царице, мысленный кивоте, законнаго паче кивота пречистый Твой образ неизреченными чудесы и благодатьми Бог украси и прослави и Ангелом почитати того повеле: с нимиже о нас Ему, о Всепетая, молися, славящих спасительное Его смотрение, и Твое еже бы нам спасение улучити.

Яже по благодати дарованная от Бога Помощнице нам всем, христианом, Того моли, Всеблагая и Всенепорочная, яко да презрит наша безчисленная согрешения и избавит пламеннаго томления, и тьмы кромешния, и муки всякия.

Песнь 5

Ирмос: Утренюет дух мой к Тебе, Боже, от Отца рожденному неизреченно и воздвигнувшему рог спасения нам.

Ты, о Благодатная, в милостивом Твоем днесь благоволении боголепным явлением страну нашу благодатно просветила еси и таинственное света Твоего просвещение миру низпослала еси, к свету Вышния славы, Богородице, верныя возводящи.

Омрачихомся помыслы, отягчихомся грехи, недоумеем светоносныя благодати и милости Твоея исповедати, Владычице, но, о Пресвятая Дево, просвети нас и обогати таинственными Твоими даровании Божественных желаний, к свету праваго пути направляющи.

Благочестно отвсюду, о Богомати, к пречестней Твоей иконе притекающия, и усердно покланяющияся, и верно везде Тя призывающия предвари, от бед всяких спасающи, и лютых недуг избавляющи, и духи лукавыя прогоняющи, тишину и здравие подающи всем, Владычице.

Лютыми помышлении и скверными воспоминании от лукавых врагов стужаемых зельне, не остави нас, ниже презри, Богородительнице, но осени Твоею благодатию, покрывающи от сих, и заступающи, и спасающи от всех их навет, о Богоблаженная!

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Аер пространный и земля наша, Царице, в преславном Твоея иконы пришествии чудес и Божественных даров благодатию Твоею исполнися, во утверждение благочестия и всех верных, Всепетая, еюже днесь и супостаты низлагаются и славящии Тя крепце утверждаются.

Граде Божий, селение Святое, Дево Богоневестная, сохрани от сопротивных нахождения и от всех навет вражиих святый дом Твой и вся грады и страны христианския, любовию поющия Тя и верно почитающии пречистый образ Твой.

Освящение, здравие и спасение всегда подавай душам же и телесем нашим, о Мати Божия, благочестно покланяющимся иконе Твоей Божественней, и усты и сердцем благоговейно ю со страхом целующим, и верою от души Тя песнословящим.

Державный покров и стену необориму стяжавше Тя, Приснодево Богородице, упование на Тя с Богом возлагаем, вернии, и прилежно молим: силою Твоею стрелы вражия и козни вся бесовския немощны, яко младенчески, покажи и недейственны, крепкая наша Помощнице.

Кондак, глас 8

Притецем, людие, к Деве Богородице Царице, благодаряще Христа Бога, и, к Тоя чудотворней иконе, умильно взирающи, припадем и возопием Ей: о Владычице Марие, присетивше страну сию Твоего честнаго образа явлением чудесно, спасай в мире и благовременстве отечество наше и вся христианы, наследники показующи Небесныя жизни, Тебе бо верно зовем: радуйся, Дево, мира спасение.

Пречудное явление Богоматере видяще, на высоту добродетелей взыдем и ум на Небо возведем. Сего бо ради небошественне прииде, да привлечет к высоте вопиющия Ей сице: радуйся, благословенная Дево, от всех родов Богом избранная; радуйся, Небесная Царице, Господа Бога Мати и Творца всяческих. Радуйся, всерадостное Ангелом пение; радуйся, всежелательное всего мира зрение. Радуйся, неподвижимое веры благочестия основание; радуйся, всесветлое благодати познание. Радуйся, Божие к земным благоволение; радуйся, земных к Богу возведение. Радуйся, озлобленным душам утешение; радуйся, всем верным скорое поможение. Радуйся, дарованная от Бога Предстательнице роду христианскому, егоже и соблюдай прилежно от всяких бед и зол, да зовем Ти: радуйся, Дево, верным спасение.

Песнь 7

Ирмос: Божия снизхождения огнь устыдеся в Вавилоне иногда, сего ради отроцы в пещи, радованною ногою, яко во цветнице, ликующе, пояху: благословен еси, Боже отец наших.

Ангелом говейный образ Твой, Владычице, неизреченною присно благодатию сияет и силою: днесь бо того даровании земныя просвещаеши, и к Небесным наставляеши, и к вечному животу устрояеши за неизглаголанную Твою благость, Богоблагодатная.

Твоего боголепнаго явления, и преславнаго иконы пришествия, и чудес пучины, Чистая, витийствующих уста никакоже возмогают исповедати; мы же, грубии, что возглаголем? Точию: помилуй и спаси нас, о Всемилостивая Владычице!

Известная верных Помощнице и всех благих Подательнице, приими нас, верно припадающих и любовию вопиющих Ти: помилуй нас, Госпоже, помилуй нас, якоже днесь, тако и во оный век, буди нам Помощница и Заступница.

Мати Божия Милосердая, милости Твоея двери днесь отверзи нам и от уст мысленных волков исхити, хотящих нас поглотити и до конца погубити; помилуй, молим Тя, о Владычице, помилуй, не отврати посрамленных раб Твоих.

Песнь 8

Ирмос: Покрываяй водами превыспренняя Своя, полагаяй морю предел песок и содержай вся, Тя поет солнце, Тя славит луна, Тебе приносит песнь вся тварь, яко Содетелю всех во веки.

Изряднии чинове Небеснии благочестно благоговеют пречистому Твоему образу, Всечистая, и пречудному Его пришествию, под солнцем преславну показавшуся и род правоверный воздвигшу пети и славити Сына Твоего, яко Содетеля всех во веки.

Преславная днесь поюще, любезно Ангелом говейной Твоей иконе покланяемся, благоговеюще, о Госпоже Царице! Славящее Тя отечество наше Божественною Твоею благодатию осени, и на враги укрепи, и мирно соблюди.

Радости вина Всеблагословенная, радуйся, Всенепорочная, радуйся, Благодатная, держава наша и ограждение и спасительное прибежище, спаси ны, рабы Твоя, не имущия паче Тебе к Богу помощи, на Тя бо надеемся и Тебе поем во веки.

Едину Тя жизни нашея стяжахом с Богом Хранительницу и крепку надежду спасения: молим Тя, о Благосердая, и по кончине ходатайствовати о нас, яко да будущих стязаний избавимся и милостива обрящем Сына Твоего и Бога в День судный.

Песнь 9

Ирмос: Ужасеся о сем небо и земли удивишася концы, яко Бог явися человеком плотски и чрево Твое бысть пространнейшее небес Тем Тя, Богородицу, Ангелов и человек чиноначалия величают.

Проста пути по аеру светоприятному икона Твоя, Владычице, стезю проходящи, богодвижимо и светолепно неизследимы стези творящи, верныя в поднебесней благодатию озари, верою вопиющия: воистину честнейши всех еси, Дево Чистая.

Слова витийством превысоких Твоих, Чистая, чудес никакоже по достоянию украсити удобни есмы, точию усердне молим Тя, Царице: да молиши Сына Твоего, Владыку и Царя всех, даровавшаго нам Тебе, преславную Помощницу, сподобити нас Небеснаго Своего Царствия.

Песнь благодарственно пения за неизреченное Твое милосердие, о Богоблагодатная, от нас приими, прошения наша в пользу исполняющи, и к высоте горней всех возведи, верно бо Ти зовем: воистину вышши всех еси, Дево Всенепорочная.

Роди вси, радостно блажим Тя, Богородице, яко радости вся ны исполнила еси преславным пришествием иконы Твоея, Пречистая. Ейже днесь покланяющеся, умильно молим Тя: не забуди, Владычице, Твоих рабов сподобити в будущем веце избранных радости.

Светилен

Пречистый образ Твой, имже присетила еси нас, Богоотроковице Дево, чтуще, празднуем сего ныне пришествие, от него благодатию Сына Твоего и Твоею приемлюще скорбей, и бед, и напастей избавление, Мати Бога Вышняго.

Канон Пресвятой Богородице пред иконой «Тихвинская» (2-й)

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Даждь ми, Светодавче Христе, в нарочитый день преславнаго явления иконы, Рождшия Тя, светло торжествовати и весело во страсе и радости воспевати присно Тоя чудеса.

Слово Божие Светодательное и Премудрость Отчую плотию, Дево, рождшая, просвети глубокую тьму моего неразумия и слово ми подаждь воспети Твоя чудеса.

Днесь верных собори просвещаются, еретическая же ополчения посрамляются, видяще икону Твою, Владычице, яко солнце, по воздуху шествующу, нечестия мглу потребляющу и верныя просвещающу.

Едина еси Ты величие наше и похвала с Богом, Богоневестная, Тобою бо от бед спасаемся, и к Тебе прибегаем, и прилежно молимся: избави, Владычице, рабы Твоя вечнаго мучения, воспевающия Твоя чудеса.

Песнь 3

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.

Христе Иисусе, Превечный Царю и Многомилостиве, пречестнаго Твоего образа и рождшия Тя Приснодевы просвети нас явлением и подаждь нам согрешений оставление и от бед избавление.

Егда Ангелами невидимо носиму пречестную Твою икону, Владычице, и светозарно стоящу на воздусе людие видеша, тогда, просветившеся светом Твоея милости, радости неизглаголанныя исполнишася.

О Боголюбивии святителие и священницы, монаси и простии и народи вси, светло ликовствуйте днесь, яко возсия на высоте Заря светоносная, держащи истиннаго Света, изображена плотию, с Нимже сниде к нам, подающи всему миру просвещение.

Твоею, Дево, всечестною иконою древле Творец всех чудодействова, спасе Царский град от иноплеменных нахождения; сице и Российстей стране буди, Госпоже Царице, покров и заступление, спасающи ю от всех навет вражиих.

Седален

Яко древняго воистину кивота честнейший Твой пречистый образ, Владычице! Паче бо илектра блистаяся, повсюду неоскудно лучи милости Твоея всем, являя, простирает и чтущия преславное пришествие его благодатию Божиею милостивно соблюдает. О немже, Владычице, мы, радующеся, усердно празднуем и матернее Твое к нам милосердие прославляем.

Песнь 4

Ирмос: Седяй в славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Земля убо вся днесь да возвеселится, вкупе же и воздух, и море да кропит радование, яко всечестнаго образа Богоматере чудесным шествием Российская страна преславно озарися.

Раболепно служат и Ангельстии чинове Тебе, всех Царице, и благоговейно почитают всечестную Твою икону, воспевающе Тя, Пресвятую Деву, мы же, смиреннии, како Тебе, Всечистую, достойно пети возможем?

Архангельскую песнь, еже радуйся, Тебе зовем, Богоневесто, Господь с Тобою, радуйся, радосте Ангелов и всех человеков, славящих Тя, воистину веселие, спаси души поющих Тя, Богородице Чистая.

О Богородительнице, радости Подательнице, верою славящия Тя и от души поющия радости неизреченныя исполни и Света невечерняго сподоби, Дево Благодатная, Владычице.

Песнь 5

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына всем воспевающим Тя мир подавающая.

В пустыни явленно Тебе, Богомати, со святителем благоговейный узрети муж сподобися и благоволения Твоего глаголы от Тебе, Царице, восприят, на большее утверждение и в пользу миру спасения.

Окаянен убо аз, Всечистая, и недостоин таковыя ныне благодати, еже Тя видети, но поне в будущем сподоби мя узрети Тя, и Сына Твоего усрести, грядуща во славе, и глас Божественный услышати, зовущ во Царство Небесное.

Прибегаем к Твоей, Дево, благости, и очи сердец наших воспущаем к Тебе, Чистая, и, с плачем колена преклоняюще, молим Тя: не презри нашего воздыхания и буди нам покров и Помощница в День судный.

Едина еси всех Предстательница христиан, Богомати Пречистая, услыши наше моление, воззри на ны, Всепетая, спаси град и обитель Твою и озари стадо Твое зарею благодати Твоего заступления.

Песнь 6

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

О, предивнаго Твоего чудесе, Владычице! Яко за преслушание Твоего повеления ужасно человек с главы церковныя восхищен быв, на земли невредим обретеся, милостию Твоею, Всемилостивая.

Никтоже тако преслуша Божественная повеления, якоже аз, окаянный. Тем, Ти припадая, молюся, Владычице: прежде даже до конца не погибну, настави мя на истинный путь и спаси мя, Чистая.

Ты, о Богомати, рождшая Претерпевшаго нас ради на Древе Крестнем распятие, умоли присно нам, страдание Его святое помнящим, волю Его Божественную творити и вечных благ наследниками быти.

Владычице, Дево Чистая, избави нас лютых всех, умоляющи Пригвоздившаго на Кресте грехи наша, и сподоби нас достойно одесную Его стати, егда приидет во славе Своей.

Кондак, глас 8

Притецем, людие, к Деве Богородице Царице, благодаряще Христа Бога, и, к Тоя чудотворней иконе, умильно взирающи, припадем и возопием Ей: о Владычице Марие, присетивше страну сию Твоего честнаго образа явлением чудесно, спасай в мире и благовременстве отечество наше и вся христианы, наследники показующи Небесныя жизни, Тебе бо верно зовем: радуйся, Дево, мира спасение.

Пречудное явление Богоматере видяще, на высоту добродетелей взыдем и ум на Небо возведем. Сего бо ради небошественне прииде, да привлечет к высоте вопиющия Ей сице: радуйся, благословенная Дево, от всех родов Богом избранная; радуйся, Небесная Царице, Господа Бога Мати и Творца всяческих. Радуйся, всерадостное Ангелом пение; радуйся, всежелательное всего мира зрение. Радуйся, неподвижимое веры благочестия основание; радуйся, всесветлое благодати познание. Радуйся, Божие к земным благоволение; радуйся, земных к Богу возведение. Радуйся, озлобленным душам утешение; радуйся, всем верным скорое поможение. Радуйся, дарованная от Бога Предстательнице роду христианскому, егоже и соблюдай прилежно от всяких бед и зол, да зовем Ти: радуйся, Дево, верным спасение.

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Единочадый Твой Сын и Бог всех, Богомати, пречистый Твой образ невредим сохрани во пламени, о, чудесе! Благодатию паче солнца обретеся сияющ, и верныя просвещающ, верою поющия: Боже, благословен еси.

Небеснии чинове веселятся с земнородными, Богородице, в светлом торжестве Твоем, еже совершающия ны и со страхом предстоящия пред пречистым Твоим образом просвети светом сияния Твоего, Пречистая, и вся спаси.

Единаго от Троицы Бога Слова, Царя Небеснаго, плотию, Царице, родила еси, Того моли, Владычице, воинству нашему подати одоление на противныя и всем верным помощь, грехов оставление и душам спасение.

Рабы Твоя, Чистая, поющия Тя и верою несумненною молящияся Тебе, светодательною Твоею и Божественною осени благодатию, яко Благодетеля всех рождшая, и покрый и сохрани от всех навет вражиих.

Песнь 8

Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

О, преславных чудес Твоих, Чистая! Яко здатели святыя церкве Твоея, под камением тридневно бывшии, обретошася живи и безвредни, покровом соблюдены, Тебе, всех Царице, возсылающе гласы похвальныя.

Жизнь вместо смерти даровала еси, Богородице, мертвенному существу. Темже и нас, умерщвленных грехи многими, Богоневесто, неврежденны от враг соблюди и к жизни лучшей возведи, спасающи души наша.

Днесь исполнишася радости и веселия вси вернии о иконе Твоей, Богородице, яко в челюстех смерти бывшим явилася еси Жизни Виновница и источник приснотекущий, целебныя дары всем точащий и спасение подающий.

Изрядно воспети пречистаго Твоего образа и рождшагося из Тебе Младенца, истинна же Бога, чудныя иконы преславное пришествие совокупльшихся людей отвсюду, Всепетая, моление приими и прошения исполни.

Песнь 9

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Явлению, Владычице, всечестныя Твоея иконы кто не удивится или кто не почудится? По воздуху бо сию, яко некий дар светоносный, низпослала еси земли Российстей, радостно поющей Тя и верно величающей.

Радость миру, Дево, неизглаголанную даровавши явлением пречистыя Твоея иконы, избави, Владычице, от всякия печали верою покланяющияся ей и со страхом целующия ю: о Пресвятая! вся спаси и помилуй и Царствия Небеснаго сподоби.

Рождшая, Владычице, Человеколюбца Бога, за человеколюбие посетила еси нас Божественною Твоею иконою, к нейже всегда притекающе и благолепие ея зряще, Тебе умильно вопием: спасай присно, Богородице, достояние Твое.

Устнами смиренными принесох Ти препростое сие, Всепетая, пение: понеже груб есмь, многогрешный, и недостоин по достоянию воспети Тя, но от усердия на Твоя щедроты надеяся, яко Спасителя всего мира родила еси, не возгнушайся, Царице, приими сие и спаси мя.

Светилен

Пречистый образ Твой, имже присетила еси нас, Богоотроковице Дево, чтуще, празднуем сего ныне пришествие, от него благодатию Сына Твоего и Твоею приемлюще скорбей, и бед, и напастей избавление, Мати Бога Вышняго.

Источник